PESCENNIANA Domus

PESCENNIANA Domus

apud Ael. Spartian. in Pescennio Nigro, c. 12. Domus eius hodie Romae visitur, in campo Iovis, quae appellatur Pescenniana: in qua simulacrum eius in trichoro etc. Ubi tamen Excerpta Spartiani, Palatinus liber et vetus Editio legunt, Pescenniani. Sic apud Eusebium et Hieronymum, domus Vectiliani dicitur, quae aliis auctoribus fere omnibus est Vectiliana. Fasti quoque Casauboniani: Οἶκον Ο῾υεςτιανοῦ pro Ο᾿υεκτινιανοῦ habent. Domus Pescenniani itaque erit domus Pescennii. Nam Pescennianus et Pescennius indifferenter enuntiabant, ut Hermogenes et Hermogenianus. Sic Herodiano l. 5. c. 4. Διαδουμενιανὸς appellatur, qui vulgo est Diadumenus; Tzetzae Diogenianus in Vitis Philosophorum citatur, quem vulgo esse Diogenem nemo ignorat. Salmas. ad Spartian. loc. cit.